نئی دہلی(اسپورٹس ڈیسک)بھارتی کرکٹ ٹیم کے دورہ سری لنکا میں کپتان روہت شرما اور ویرات کوہلی کو آرام دینے کا فیصلہ کیا گیا ہے۔میڈیا رپورٹس کے مطابق روہت شرما اور ویرات کوہلی سری لنکا کے خلاف ون ڈے سیریز نہیں کھیلیں گے، اگست میں بھارت نے سری لنکا میں 3 ون ڈے میچز کی سیریز کھیلنا ہے،فاسٹ بولر جسپریت بمرا کو بھی آرام دیے جانے کا امکان ہے، کے ایل راہول یا ہاردک پانڈیا کو ون ڈے ٹیم کی کپتانی سونپے جانے کا امکان ہے،روہت شرما اور ویرات کوہلی ٹی ٹوئنٹی ورلڈ کپ جیتنے کے بعد ٹی ٹوئنٹی کرکٹ سے ریٹائرمنٹ کا اعلان کر چکے ہیں،بورڈ آفیشل کا بتانا ہے کہ چیمپئنز ٹرافی سے قبل اسٹار کرکٹرز انگلینڈ کے خلاف سیریز کھیل کر میچ پریکٹس میں آ جائیں گے ،بورڈ آفیشل کے مطابق دونوں کرکٹرز ہوم سیزن میں ٹیسٹ کرکٹ کھیلیں گے۔
