ریاض (انٹرنیشنل ڈیسک) سعودی امدادی ایجنسی شاہ سلمان ریلیف سینٹر کی جانب سے افریقی ملک چاڈ میں بہیرا کے علاقے میں غذائی اشیا پر مشتمل 1200 پارسل تقسیم کیے ،جن سے 7ہزار 200 انتہائی ضرورت مند افراد کو فائدہ پہنچا ہے۔ خبررساں اداروں کے مطابق یہ اقدام 2024 ء میں چاڈ میں غذائی تحفظ میں مدد کرنے کے ایک منصوبے کا حصہ ہے۔ یہ امداد انسانی ہمدردی کے منصوبوں کے ایک سلسلے کا حصہ ہے جو سعودی عرب دنیا بھر کے ممالک اور لوگوں کی مدد کے لیے شاہ سلمان ریلیف سینٹر کے ذریعے انجام دیتا ہے۔
