کراچی (اسپورٹس رپورٹر):پاکستان فٹ بال فیڈریشن کی جانب سے آئندہ بڈ کے عمل پر بات چیت کے لئے دنیا سے دلچسپی رکھنے والی فرمز کے ساتھ آن لائن اجلاس کا انعقاد کیا گیا۔ ایڈوائزری فرم سینئر فٹ بال لیگز اور فٹسال لیگز کو چلانے کے حقوق دینے میں پاکستان فٹ بال فیڈریشن کی مدد کرنے میں اہم کردار ادا کرے گی۔ اجلاس میں مختلف ممالک کی 24 کمپنیوں نے شرکت کی جنہوں نے پاکستان میں فٹ بال اور فٹسال کی ترقی میں اپنا حصہ ڈالنے میں دلچسپی کا اظہار کیا۔
