تائی پے (انٹرنیشنل ڈیسک) سمندری طوفان گیمی فلپائن کے بعد تائیوان سے ٹکرا گیا ،جس کے باعث مختلف حادثات میں 2 افراد ہلاک اور 266 زخمی ہو گئے۔ ملک بھر میں اسکول، دفاتر اور کاروبار بند ،جب کہ ٹرین سروس معطل رہی۔ تمام اندرون ملک پروازیں اور 185 بین الاقوامی پروازیں منسوخ کر دی گئیںجب کہ تقریباً 5 لاکھ گھروں کی بجلی منقطع ہوگئی۔ ادھر تائیوان کے سمندر میں تنزانیا کے پرچم والا کارگو جہاز ڈوب گیا،جس کے بعد عملے کے 9 لاپتا افراد کو تلاش کیا جارہا ہے۔
