کراچی (اسپورٹس رپورٹر) وفاقی سیکرٹری برائے بین الصوبائی رابطہ ندیم ارشاد کیانی نے کہا ہے کہ پاکستان میں کھیلوں کے سنہری دور کی واپسی کیلئے حکومت اور فیڈریشنز کے ساتھ ساتھ پرائیوٹ سیکٹرز کی شمولیت وقت کی اہم ضرورت ہے نوجوان کھلاڑیوں کوگراس روٹ لیول سے کھیلوں کی جدیدتربیت فراہم کرکے ہی ہم عالمی معیار کے کھلاڑی تیار کرسکتے ہیں ان خیالات کا اظہار انہوں نے نیشنل کوچنگ سینٹر کراچی میں کھیلوں کی مختلف فیڈریشنز کے عہدیداران سے ملاقات کے موقع پر کیا۔ پاکستان اسپورٹس بورڈ کے ڈپٹی ڈی جی (ٹریننگ) شاہد اسلام،پاکستان ا سنوکر فیڈ ریشن کے چیئرمین عالمگیر شیخ، اسپیشل اولمپک پاکستان کی چیئر پرسن رونق لاکھانی،ویمن فٹبال کی بانی و سابق صوبائی وزیر روبینہ عرفان، سافٹ بال فیڈریشن پاکستان کے صدر آصف عظیم، جوجسٹو فیڈریشن کے سیکریٹری محمد طارق، سیلنگ فیڈریشن کے سیکریٹری کمانڈر اکرم طارق، باڈی بلڈنگ فیڈریشن سے سہیل انور، پاکستان والی بال فیڈ ریشن کے سیکریٹری شاہ نعیم ظفرودیگر بھی اس موقع پر موجود تھے۔
