پیرس (انٹرنیشنل ڈیسک) فرانس نے صحارا کو مراکش کا حصہ تسلیم کرلیا،جس پر الجزائر نے سخت احتجاج کیا۔ خبررساں اداروں کے مطابق الجزائر کی حکومت نے فرانس سے اپنے سفیر کو فوری طور پر واپس بلانے کا فیصلہ کیا ہے۔ افریقی ممالک کے متنازع علاقے صحارا کے حوالے سے مراکش کے موقف کی حمایت کرنے پر الجزائری وزارت خارجہ نے فرانسیسی سفیر کو طلب کرکے سخت احتجاج ریکارڈ کرایاتھا۔ وزارت خارجہ کی طرف سے جاری بیان میں کہا گیا کہ فرانسیسی حکومت نے مغربی صحارا کے علاقے میں مسلط کردہ نوآبادیاتی حقیقت کی حمایت کے لیے وہ اقدام کیا،جو کسی پچھلی فرانسیسی حکومت نے نہیں کیا تھا۔
