ماسکو؍ کراکس (انٹرنیشنل ڈیسک) روس اور وینزویلا نے پیغام رسانی کی ایپلی کیشن پر پابندی عائد کردی۔ خبررساں اداروں کے مطابق سگنل ایک مقبول ایپ ہے جو محفوظ پیغام رسانی کے لیے استعمال ہوتی ہے اور صارفین کی بڑی تعداد سنسر شپ سے بچنے کے لیے اس پر انحصار کرتی ہے۔ وینزویلا میں اس ایپ کو بلاک کرنے کی کارروائی رواں ماہ ہونے والے صدارتی انتخابات کے نتائج کے بعد کی گئی ہے۔ صدارتی انتخابات کے بعد بڑے پیمانے پر احتجاجی مظاہرے اور گرفتاریاں ہوئی تھیں،جب کہ امریکا نے حزب اختلاف کے امیدوار ایڈمنڈو گونزالیز کو انتخابات کا فاتح تسلیم کیا تھا۔
