کوئٹہ( نمائندہ جسارت)الیکشن ٹریبونل نے وزیر اعلیٰ بلوچستان کے خلاف دائر انتخابی عذرداری خارج کر دی، میر سرفراز بگٹی کی پی بی 10 ڈیرہ بگٹی سے اہلیت کو نوابزادہ گہرام بگٹی نے چیلنج کیا تھا۔کوئٹہ میں الیکشن ٹریبونل کے جج روزی خان بڑیچ نے گزشتہ روز محفوظ کیا فیصلہ سنایا۔الیکشن ٹریبونل بلوچستان نے میر سرفراز بگٹی کے خلاف دائر درخواست خارج کردی۔سرکار کی جانب سے ایڈووکیٹ جنرل بلوچستان آصف علی ریکی ،ممتاز قانون دان کامران مرتضیٰ ایڈووکیٹ، جمیل آغا ایڈووکیٹ اور نور جہاں بلیدی ایڈووکیٹ نے کیس کی پیروی کی۔ میر سرفراز بگٹی کی پی بی 10 ڈیرہ بگٹی سے اہلیت کو نوابزادہ گہرام بگٹی نے چیلنج کیا تھا۔
