پشاور: وزیر اعلی خیبرپختونخوا ( کے پی کے) علی امین گنڈا پور نے کہا ہے کہ اس بار مخصوص اور تربیت یافتہ دستہ قافلوں سے پہلے جائے گا،مشینری قافلوں سے آگے ہوگی، پچھلی بار مشینری قافلوں کے پیچھے تھی،اس بار تمام تیاریوں کے ساتھ جائیں گے۔
میڈیا سے گفتگو کرتے ہوئے وزیر اعلیٰ کے پی کے نے کہا کہ 4 اکتوبر کو ڈی چوک میں ہر صورت احتجاج کیا جائے گا، گزشتہ احتجاج میں منصوبہ بندی ناقص تھی اس لئے درمیانی راستے سے واپس ہونا پڑا جبکہ احتجاج کے دوران ورکرز اور رہنماؤں کے پاس معیاری ماسک اور حفاظتی آلات نہیں تھیں۔
انہوں نے کہا کہ راستے بند ہوئے تو ڈی چوک پہنچنے میں کئی دن لگ سکتے ہیں،اس بار تمام تیاریوں کے ساتھ جائیں گے۔
