تہران: پاسداران انقلاب نے اسرائیلی ہٹ دھرمی پر اسرائیلی توانائی اور گیس کےمنصوبوں پر حملے کی دھمکی دیتے ہوئے کہا ہے کہ عالمی اداروں کو پابندی تو اسرائیل جیسے دہشت گرد ملک پر لگانی چاہیے۔
میڈیا رپورٹس کے مطابق پاسداران انقلاب نے کہاکہ اسرائیل نے حملہ کیا تو اس کے توانائی کے ذرائع ہمارا ہدف ہوں گے، اسرائیل کی ریفائنریز اور گیس فیلڈز پر بھی حملے کئے جائیں گے۔
دوسری جانب اسرائیل نے دعویٰ کیا ہے کہ لبنان کی جانب سے داغے گئے 20 میزائلوں کوتباہ کر دیا ،لبنان کی جانب سے داغے گئے کچھ میزائل کھلے میدانوں میں گرے ہیں۔
خیال رہے کہ امریکی صدر نے اسرائیل کو ایران کی ایٹمی تنصیبات پرحملہ کرنے سے گریز کرنے کا مشورہ دیتے ہوئے کہاہے کہ امریکا ایران کی ایٹمی تنصیبات پرحملے کی حمایت نہیں کرے گا۔
