میڈرڈ(اسپورٹس ڈیسک) اسپین کے شہرہ آفاق ٹینس اسٹار ، 22 گرینڈ سلام ٹائٹلز کے چیمپئن اور ٹینس کے اب تک کے عظیم ترین کھلاڑیوں میں سے ایک رافیل نڈال نے کھیل سے ریٹائرمنٹ کا اعلان کر دیا ۔38 سالہ ہسپانوی ٹینس اسٹار آئندہ ماہ ملاگا میں شیڈول ڈیوس کپ فائنلز میں اپنے ملک ا سپین کی نمائندگی کریں گے،ڈیوس کپ فائنلز ان کا آخری ایونٹ ہوگا۔ نڈال نے گزشتہ 2 سیزن میں انجری کی وجہ سے بمشکل کھیلا ہے اور گزشتہ سال ہی انہوں نے طے کرلیا تھا کہ وہ 2024 سیزن کے اختتام پر ریٹائر ہو سکتے ہیں۔
