کندھکوٹ (نمائندہ جسارت) ضلع میں بھتا مافیا، بے امنی میں تیغانی گینگ اور جاگیرانی گینگ کے سہولت کار سلیم جان جاگیرانی کو پولیس نے گرفتار کر لیا۔ ایس ایس پی کے ترجمان نے جاری پریس ریلیز میں بتایا کہ اے سیکشن تھانہ کی پولیس خفیہ اطلاع پر جدید ٹیکنالوجی استعمال کرتے ہوئے سلیم جان جاگیرانی کو گرفتار کر کے سی ڈی آر کے ذریعے اہم معلومات ملی ہے، مزید تفتیش میں اہم انکشاف ہوگا، گرفتار ملزم پر دہشت گردی کا مقدمہ درج کیا گیا ہے، علاقے میں مزید کارروائیاں کی جائیں گی تاکہ ڈاکوؤں اور سہولت کاروں کو قانون کی گرفت میں لا کر امن و امان کو بحال رکھا جائے۔
