کراچی (اسپورٹس رپورٹر)ریجنل کرکٹ ایسوسی ایشن کراچی کے زیر اہتمام میڈی کیم گروپ اف کمپنیز کے تعاون سے منعقد کردہ ٹچ می ٹرافی انڈر-15 انٹر زونل کرکٹ ٹورنامنٹ میں گزشتہ روز زون 6 وایٹس نے زون 7 گرین کو 10 وکٹوں سے شکست دے دی۔ کے سی سی اے اسٹیڈیم پر کھیلے گئے میچ میں زون 7 گرین پہلے بیٹنگ کرتے ہوئے 83 رنز بنا کر آؤٹ ہوگئی۔ امان اللہ شیر اور حسن دوست نے 21,21 رنز بنائے۔ آف اسپنر ڈرین فراز نے جارحانہ بولنگ کرتے ہوئے 28 رنز دیکر 4 اور رایٹ ار م لیگ اسپنر درانی نے 13 رنز دیکر 3 کھلاڑیوں کو آؤٹ کیا۔ جواب میں زون6 وایٹس نے بغیر کسی نقصان کے مطلوبہ 84 رنز بنا لئے۔ محمد نوید نے 5 چوکوں کی مد د سے 44 اور ایش ملک نے 34 رنز بنائے اور دونوں آؤٹ نہیں ہو ئے۔ کھیل کے اختتام پر زون 7 کے صدر مظہر علی اعوان نے زون 6 وایٹس کے ڈرین فراز کو میڈی کیم مین آف دی میچ ایوارڈ دیا ۔
