اسلام آباد( آن لائن)بانی پی ٹی آئی عمران خان کی سیاسی رہنمائوں سے ملاقات نہ کرانے پر اسلام آباد ہائیکورٹ میں توہین عدالت کی درخواست دائرکر دی گئی۔ بانی پی ٹی آئی نے سلمان اکرم راجا اور فیصل چودھری کے ذریعے درخواست دائر کی،درخواست میں موقف اختیار کیا گیا ہے کہ عدالتی حکم کے باوجود بانی پی ٹی آئی نے اپنے دستخط سے ملاقات کرنے والوں کی فہرست دی، عمر ایوب، شبلی فراز، اسد قیصر سمیت 6 رہنماوں کی فہرست دی گئی،پی ٹی آئی رہنمائوں کو کئی گھنٹے انتظار کے باوجود بانی پی ٹی آئی سے ملاقات نہیں کرائی گئی،درخواست میں استدعا کی گئی ہے کہ عدالتی حکم کی خلاف ورزی کرنے پر فریقین کے خلاف توہین عدالت کی کارروائی کی جائے۔
