پاکستان کرکٹ ٹیم کے فاسٹ بولر نسیم شاہ انجری سے مکمل فٹ ہو گئے۔
ذرائع کا کہنا ہے کہ فاسٹ بولر نسیم شاہ کی انجری تشویشناک نہیں ہے، انہوں نے مکمل ٹریننگ سیشن میں حصہ لیا اور بولنگ بھی کی۔
ذرائع نے مزید بتایا کہ اب نسیم شاہ کو کسی بھی قسم کی تکلیف کا سامنا نہیں ہے، نسیم شاہ آسٹریلیا کے خلاف دوسرے ون ڈے میں ٹیم کو دستیاب ہیں۔
یاد رہے کہ آسٹریلیا کے خلاف پہلے ون ڈے میں پاکستان کرکٹ ٹیم کے فاسٹ بولر نسیم شاہ اپنے 8 ویں اوور میں انجری کا شکار ہوئے تھے۔
