بنوں : نامعلوم افراد کی فائرنگ سے پولیس اہلکار گل زمان جاں بحق ہو گیا۔
ذرائع کے مطابق پولیس اہلکار گل زمان موٹرسائیکل پر گھر سے تھانہ کینٹ جا رہا تھا کہ راستے میں پہلے سے موجود نامعلوم ملزمان نے اس پر فائرنگ کر دی، واقعہ ممش خیل کے علاقے میں پیش آیا ہے۔
ذرائع کے مطابق فائرنگ کے نتیجے میں پولیس اہلکار گل زمان موقع ہی پر جاں بحق ہو گیا اور ان کی لاش پوسٹ مارٹم کے لیے ڈی ایچ کیو منتقل کر دی گئی ہے۔
ذرائع نے بتایا کہ فائرنگ کے بعد ملزمان فرار ہو گئے جن کی گرفتاری کے لیے علاقے کو گھیرے میں لے کرکرآپریشن شروع کر دیا ہے۔
