روسی صدر ولادیمیر پیوٹن اور اسرائیلی وزیر اعظم بنیامن نیتن یاہو کے درمیان ٹیلی فونک رابطہ ہوا۔
کریملن کے بیان کے مطابق دونوں رہنماؤں نے مشرق وسطیٰ کی صورتحال اور امریکی صدر ٹرمپ کے پیش کردہ امن منصوبے پر تبادلہ خیال کیا۔
اس کے علاوہ پیوٹن اور نیتن یاہو نے ایرانی جوہری پروگرام سے متعلق مسائل کو بات چیت کے ذریعے حل کرنے میں دلچسپی ظاہر کی۔
کریملن کا مزید کہنا تھا کہ دونوں رہنماؤں کے درمیان شام میں مزید استحکام لانے کے حوالے سے بھی گفتگو ہوئی۔
