26 نومبر کے احتجاج سے متعلق کیس میں عمران خان کی ہمشیرہ علیمہ خان کی سماعت 16 فروری تک ملتوی کر دی گئی۔
انسدادِ دہشت گردی عدالت کے جج امجد علی شاہ کے ہنگامی چھٹی پر ہونے کے باعث آج سماعت نہ ہو سکی۔
عدالت نے اس سے قبل علیمہ خان کے ناقابلِ ضمانت وارنٹِ گرفتاری جاری کرتے ہوئے انہیں طلب کر رکھا تھا، جبکہ آج تفتیشی افسران سمیت آخری دو گواہوں پر جرح مکمل ہونا تھی۔
عدالت نے علیمہ خان کے ناقابلِ ضمانت وارنٹ برقرار رکھتے ہوئے آئندہ تاریخ پر انہیں گرفتار کر کے پیش کرنے کا حکم بھی برقرار رکھا ہے۔
