اسلام آباد:وزیراعظم کے مشیر برائے سیاسی امور رانا ثنا اللہ نے کہا ہے کہ پاکستان تحریک انصاف کے بانی عمران خان کو بہترین علاج فراہم کیا گیا، پی ٹی آئی کبھی مطمئن نہیں ہوگی اور مسلسل ملک میں افراتفری پھیلانے کی کوشش کر رہی ہے۔
رانا ثنا نے کہا کہ پی ٹی آئی کے حالیہ احتجاجات اور سڑکوں کی بندش کا مقصد صرف سیاسی انتشار پیدا کرنا ہے، جبکہ عمران خان کے علاج سے ان کا کوئی تعلق نہیں، خیبرپختونخوا میں راستوں کی بندش غیر آئینی ہے اور صوبائی حکومت کو ہائی کورٹ کے احکامات پر عمل کرنا ضروری ہے۔
انہوں نے مزید کہاکہ پی ٹی آئی کے اقدامات ملک میں انتشار اور انارکی کو فروغ دینے کے مترادف ہیں اور ریاست ان کو قانون کے دائرے میں رکھنے کے لیے تیار ہے۔
