ایران نے اپنے میزائل پروگرام اور حالیہ احتجاجی واقعات کے حوالے سے امریکی الزامات کو سختی سے مسترد کر دیا ہے۔
ایرانی وزارتِ خارجہ کے ترجمان اسماعیل بقائی نے سوشل میڈیا پر جاری بیان میں کہا کہ ایرانی جوہری پروگرام اور بیلسٹک میزائلز کے حوالے سے امریکہ کی جانب سے لگائے گئے الزامات محض بڑے جھوٹ ہیں۔
انہوں نے مزید کہا کہ جنوری میں ہونے والے احتجاجی واقعات میں ہلاکتوں کی تعداد کے بارے میں امریکی دعوے بھی بے بنیاد ہیں اور ان میں کوئی صداقت نہیں۔
واضح رہے کہ امریکی صدر ڈونلڈ ٹرمپ نے حال ہی میں کہا تھا کہ ایران کے میزائل یورپی ممالک اور خطے میں امریکی اڈوں کے لیے خطرہ ہیں اور ایران ایسے میزائل تیار کر رہا ہے جو جلد امریکہ تک پہنچ سکیں گے۔
