کراچی: ایم کیو ایم پاکستان نے کہا ہے کہ وفاقی حکومت نے گورنر سندھ کی تبدیلی کے معاملے پر انہیں اعتماد میں نہیں لیا۔
ایم کیو ایم کے ترجمان نے اپنے بیان میں کہا کہ انہیں گورنر سندھ کی تبدیلی کی خبر ذرائع ابلاغ کے ذریعے ملی۔
ترجمان کا کہنا تھا کہ وفاقی حکومت نے اس فیصلے سے قبل ایم کیو ایم پاکستان سے کوئی مشاورت نہیں کی، جبکہ پارٹی جلد اس معاملے پر اپنا لائحہ عمل طے کرے گی۔
واضح رہے کہ وفاقی حکومت نے کامران ٹیسوری کو ہٹا کر ان کی جگہ مسلم لیگ ن کے رہنما نہال ہاشمی کو گورنر سندھ مقرر کرنے کا فیصلہ کیا ہے۔
وزیراعظم آفس کی جانب سے جاری اعلامیے کے مطابق وزیراعظم شہباز شریف نے اس سلسلے میں سمری منظوری کے لیے صدر پاکستان کو بھجوا دی ہے۔
