امریکی صدر ڈونلڈ ٹرمپ نے وائٹ ہاؤس میں زیر تعمیر بال روم کی لاگت سے متعلق سوال کرنے والی خاتون صحافی کو سخت جواب دیتے ہوئے احمق قرار دے دیا۔
چین کے دورے پر روانگی سے قبل صحافیوں سے گفتگو کرتے ہوئے صدر ٹرمپ نے کہا کہ بال روم کا سائز دگنا کیا گیا ہے کیونکہ اس کی ضرورت تھی۔ اس دوران ایک خاتون صحافی نے نشاندہی کی کہ منصوبے کا بجٹ بھی دگنا ہوگیا ہے۔
اس پر ٹرمپ نے جواب دیتے ہوئے کہا، “تم اسمارٹ نہیں ہو، احمق ہو۔ ہم نے بال روم کا سائز بڑھایا ہے اور اسے مقررہ بجٹ کے اندر وقت سے پہلے مکمل کریں گے۔”
امریکی صدر نے گفتگو کے دوران ایران سے متعلق معاملات پر بھی بات کی اور کہا کہ چینی صدر کے ساتھ ایران جنگ کے حوالے سے تفصیلی تبادلہ خیال ہوگا، تاہم ان کے بقول انہیں ایران کے معاملے پر چین کی مدد کی ضرورت محسوس نہیں ہوتی۔
صدر ٹرمپ نے ایک بار پھر پاکستان اور فیلڈ مارشل عاصم منیر کا ذکر کرتے ہوئے کہا کہ فیلڈ مارشل عاصم منیر ایک بہترین شخصیت ہیں جبکہ پاکستان نے مذاکراتی عمل میں شاندار کردار ادا کیا۔
