غلام نبی رینہ
کنگن/وسطی ضلع گاندربل کے کنگن علاقے میں نالہ سندھ سے سری نگر کے 18 سالہ نوجوان کی لاش دو روز بعد برآمد کر لی گئی، جو نہاتے ہوئے ڈوبنے کے بعد لاپتہ ہوگیا تھا۔حکام کے مطابق نوجوان جمعہ کے روز کیج پارہ میں ڈمپنگ پارک کے قریب نالہ سندھ میں نہا رہا تھا کہ اچانک گہرے پانی میں ڈوب گیا اور لاپتہ ہوگیا۔
واقعے کے فوراً بعد پولیس، ایس ڈی آر ایف اور مقامی لوگوں نے نوجوان کی تلاش کے لیے بڑے پیمانے پر سرچ آپریشن شروع کیا۔ تقریباً دو روز کی مسلسل کوششوں کے بعد نوجوان کی لاش پرنگ، کنگن کے قریب سے برآمد کر لی گئی۔
متوفی کی شناخت دانش بلال ولد بلال احمد حجام ، ساکن صورہ سری نگر کے طور پر ہوئی ہے۔پولیس نے واقعے کی تحقیقات شروع کر دی ہیں، جبکہ طبی و قانونی کارروائی مکمل ہونے کے بعد لاش اہل خانہ کے حوالے کی جائے گی۔
