نالہ سندھ میں غرقآب ہونے والے12سالہ بچے کی نعش برآمد

گاندربل/وسطی ضلع گاندربل کے فتح پورہ علاقے میں اتوار کے روز نالہ سندھ میں غرقآب ہونے والے12 سالہ بچے کی نعشپیر کے روز برآمد کر لی گئی۔ایک عہدیدار نے بتایا کہ واقعے کے بعد آج صبح شروع کیے گئے تلاشی آپریشن کے دوران بچے کی لاش برآمد کی گئی۔
متوفی کی شناخت محسن مختار ولد مختار احمد لون، ساکن بملورہ گاندربل کے طور پر ہوئی ہے۔عہدیدار کے مطابق واقعے کا نوٹس لے لیا گیا ہے، جبکہ ضروری قانونی کارروائی مکمل ہونے کے بعد لاش اہل خانہ کے حوالے کی جائے گی۔