اپنی زندگی کے سب سے اہم دن پر مدعو نہ کرنے کا فیصلہ کرلیا
دپیکا اور رنویر کی شادی بھی بھارت سے باہر انجام پائے گی
ممبئی (نیٹ نیوز) بالی ووڈ کی دو بڑی اداکارائوں دپیکا پڈوکون اور کترینہ کیف کے درمیان اختلافات سے پوری فلم انڈسٹری واقف ہے لیکن دپیکا کترینہ سے اس حد تک نفرت کرتی ہیں کہ اپنی زندگی کے سب سے اہم دن پر انہیں شامل نہ کرنے کا فیصلہ کیا ہے۔ رنویر سنگھ اور دپیکا کی شادی میں کترینہ کو مدعو نہیں کیا جائے گا۔ گزشتہ برس ویرات کوہلی اور انوشکا شرما کی شادی کے بعد تمام لوگوں کی نظریں دپیکا پڈوکون اور رنویر سنگھ کی شادی پر جمی ہیں۔ دونوں کی شادی کے حوالے سے خبریں میڈیا میں گردش کررہی ہیں کہ دپیکا رنویر، ویرات انوشکا کی طرح بھارت سے باہر سمندر کنارے کسی خوبصورت مقام پر شادی کریں گے ۔ رپورٹس کے مطابق ویرات انوشکا کی طرح دپیکا رنویر کی شادی کے بعد دوریسیپشن ہوں گے۔