جموں
مقبوضہ کشمیر میں جموں و کشمیر انسانی حقوق کمیشن کے خاتمے کے بعد، لا کمیشن نے مرکز کے زیر انتظام جموں و کشمیر اور لداخ کے وسطی علاقوں میں انسانی حقوق کی تنظیم کے دوبارہ قیام کی سفارش کی ہے۔
مقبوضہ جموں وکشمیر انتظامیہ کو پیش کی جانے والی اپنی سفارشات میں، جسٹس (ر)ایم کھنجوریا کی سربراہی میں پینل نے دونوں مرکز کے زیر انتظام علاقوں کے لیے ایک علیحدہ انسانی حقوق کمیشن کے قیام کی سفارش کی ہے۔ساؤتھ ایشین وائرکے مطابق انہوں نے جموں و کشمیر اور لداخ میں موسم کی خرابی کا حوالہ دیتے ہوئے کہا کہ دونوں علاقوں کے لیے ایک علیحدہ انسانی حقوق کمیشن ہونا چاہیے۔
سنٹرل پروٹیکشن آف ہیومن رائٹس ایکٹ، 1993 میں کی گئی ترمیم کے تحت حکومت ہند کو یہ اختیار حاصل ہے کہ وہ ایک ریاستی کمیشن کو کسی بھی مرکز کے زیر انتظام علاقے کے انسانی حقوق سے متعلق فرائض سونپ سکتے ہے۔
القمرآن لائن کے مطابق گذشتہ ماہ جموں و کشمیر انتظامیہ نے ریاستی انسانی حقوق کمیشن کو ختم کرنے کا حکم دیا تھا کیونکہ 5 اگست کو جموں و کشمیر کی تنظیم نو قانون کی منظوری کے بعد پارلیمنٹ کے ذریعہ اس کو نافذ کرنے والے قانون کو منسوخ کردیا تھا۔مرکزی حکومت نے دفعہ 370 کے تحت جموں و کشمیر کو حاصل خصوصی حیثیت کو ختم کرنے کے تقریبا تین ماہ بعد ریاست کو سرکاری طور پر دو مرکزی علاقے ‘جموں و کشمیر’ اور ‘لداخ’ میں تقسیم کردیا۔