اوٹاوا (انٹرنیشنل ڈیسک) کینیڈاکی فوج نے یونان کے ساحل کے قریب سمندر میں گرنے والے ہیلی کاپٹر میں سوار تمام فوجیوں کی ہلاکت کی تصدیق کردی۔ کینیڈا کی فوج کا یہ ہیلی کاپٹر نیٹو کی جنگی مشقوں کے دوران بدھ کے روز یونان کی سمندر ی حدود میں لاپتا ہوگیا تھا۔ یونانی فوج کے بحری بیڑے نے کارروائی کرتے ہوئے ایک شخص کی لاش برآمد کر لی تھی، تاہم 5افراد کا کوئی پتا نہیں مل پایا۔ اس واقعے کے بعد کینیڈا کی فوج نے اپنے زیر استعمال تمام سائیکلون ہیلی کاپٹرز کی پرواز کو معطل کر دیا۔ اوٹاوا حکام کا کہنا ہے کہ واقعے کی تفتیش شروع کردی گئی ہے۔
بحیرۂ روم میں لاپتا ہونے والے کینیڈین ہیلی کاپٹر پر سوار تمام فوجی ہلاک
القمر