بدین: مسافر ویگنوں میں خوفناک تصادم، 20 افراد زخمی

سجاول (نمائندہ جسارت) سندھ کے ضلع بدین کے قریب سجاول بائی پاس روڈ پر تھر پارکر اسلام کوٹ سے کراچی جانے والی سوزوکی پک اپ اور ٹھٹھہ سے بدین جانے والی سوزوکی پک میں خوفناک تصادم، 20 سے زائد مسافر زخمی، 4 افراد کی حالت تشویشناک۔ تفصیلات کے مطابق حادثہ گزشتہ روز شام 3 بجے کے قریب پیش آیا، جس کے نتیجے میں کراچی جانے والی سوزوکی پک اپ جھاڑیوں میں جا گھسی۔ زخمیوں کو فوری طور پر سول اسپتال سجاول پہنچایا گیا جہاں انہیں طبی امداد دی گئی۔ ایک نو مسلم عورت مسمات بیگی، عالم، ڈرائیور رسول بخش ناریجو سمیت 4 شدید زخمی افراد کو کراچی ٹراما سینٹر اسپتال منتقل کردیا گیا ہے۔ مسمات بیگی اور عالم کی حالت انتہائی نازک بتائی جا رہی ہے۔