کراچی : صوبائی وزیر اطلاعات سندھ ناصر حسین شاہ کا کہنا ہے کہ اجازت نامےرکھنےوالےمعروف فلاحی ادارے ہی عید الضحی پر کھالیں جمع کریں گے۔
ڈاؤ انٹرنیشنل ڈینٹل کالج کے دورہ کے موقع پر گفتگو کرتے ہوئے کہاکہ ہم چاہتے ہیں مساجد اور علماء کرام کے ذریعے قربانی کے جانور حاصل کئے جائیں، ہماری کوشش ہے کہ سندھ میں مویشی منڈیاں نہ لگیں، مرکزی مویشی منڈی سےمتعلق وفاق سے بات کریں گے۔
ناصر حسین شاہ نے کہاکہ اب وزیر اعظم خود کہہ رہے ہیں کہ انہیں مائنس کرنے کی کوشش ہورہی ہے، اسپتال میں بہترین اسٹاف مقررکیاگیاہے،وزیراعلیٰ سندھ نےبھی اسپتال کادورہ کیاتھا۔