اسلام آباد:وزیراعظم عمران خان کا کہنا ہے کہ ہم کشمیریوں کو ان کا حق دلانے کیلئےلڑتے رہیں گے۔
وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا ہے کہ آج ہم یوم الحاق پاکستان منارہے ہیں، آج کے دن کشمیریوں نے پاکستان سے الحاق کی قرارداد منظورکی تھی۔
انہوں نے کہا کہ کشمیریوں کی حق خود ارادیت کی جدوجہد میں ساتھ دینے کےعزم کی تجدید کرتے ہیں اور کشمیریوں کا حق خود ارادیت یواین سیکیورٹی کونسل نے تسلیم کر رکھا ہے۔
اہلِ کشمیر کیلئےخودارادیت کاحق سلامتی کونسل کیجانب سےاورعالمی قانون کےتحت تسلیم شدہ ہے۔ہم کشمیری عوام کوجو ہندوتوا کی پیروکارنسل پرست بھارت سرکارکے ظالمانہ/غیرقانونی ہتھکنڈوں کیخلاف صف آراء ہیں،انصاف دلوانےکیلئےاپنی جدوجہد جاری رکھیں گے۔میں جانتا ہوں کہ انصاف ہی کابول بالا ہوگا۔
— Imran Khan (@ImranKhanPTI) July 19, 2020
وزیراعظم عمران خان کا مزید کہنا تھا کہ کشمیریوں کی بھارتی حکومت کے مظالم کے خلاف جدجہد میں ساتھ دیتے رہیں گے اور کشمیریوں کو ایک دن ضرور انصاف ملے گا۔