اسلام آباد (صباح نیوز) وزیر اعظم عمران خان نے وفاقی کابینہ کا اجلاس کل (منگل کو) طلب کرلیا ، اجلاس میں 7 نکاتی ایجنڈا پر غور کیا جائے گا۔ اقتصادی امور ڈویژن غیر ملکی فنڈز کے استعمال اور پیٹرولیم ڈویژن گیس کی منصوبہ بندی کے حوالے سے بریفنگ دے گا۔وزارت داخلہ اور سی ڈی اے کی جانب سے مارگلہ روڈ پر تجاوزات کے خاتمے کے حوالے سے بریفنگ دی
جائے گی۔ گلگت بلتستان میں 3 سال کے لیے ایف سی تعیناتی کی سمری منظوری کے لیے پیش ہوگی۔پیمرا کونسل آف شکایات کی تشکیل نو اور ہائیڈو کاربن ڈویلپمنٹ انسٹیٹیوٹ کے ڈی جی کی تقرری، نوشہرہ میں ریلوے زمین پر کثیر المنزلہ عمارت کی تعمیر کی منظوری بھی ایجنڈے میں شامل ہے۔ اجلاس میں ملک کی سیاسی، اقتصادی صورتحال پر بھی غور ہوگا۔