کراچی(اسٹاف رپورٹر) بینک الحبیب کے 11ویں رشید ڈی حبیب میموریل نیشنل پروفیشنل گولف ٹورنامنٹ کے دوسرا رائونڈ میں کراچی گالف کلب کے وحید بلوچ دوسرے روز بھی شاندار کارکردگی کے بعد سرِفہرست ہیں۔ وحید بلوچ نے دوسرے روز کا اختتام10 انڈر پار کے ساتھ کیا۔ ان کے پیچھے اسلام آباد کے حمزہ تیمور امین 8 انڈر پار کے ساتھ دوسری پوزیشن پر آگئے ہیں۔ جبکہ دفاعی چمپین محمد شبیر اور انصر محمود 6 انڈر پار کے ساتھ مشترکہ طور پر تیسری پوزیشن پر ہیں۔ ٹورنامنٹ کی پروفیشنل کیٹگری میں پہلا راوّنڈ کھیلنے والے 96 قومی گالفرز میں سے 54 کھلاڑیوں نے دوسرے رائونڈ کے لیے کوالیفائی کیا ہے۔