کراچی (اسٹاف رپورٹر) پاکستان پیپلز پارٹی پارلیمنٹرینز کی مرکزی سیکرٹری اطلاعات و رکن قومی اسمبلی شازیہ عطا مری نے کہا ہے کہ فارن فنڈنگ کیس میں پی ٹی آئی کی شفافیت کا بھانڈا پھوٹ چکا ہے، ممنوع اکائونٹس سے پی ٹی آئی کو فنڈنگ کی گئی تھی اور اب پول کھلنے پر جھوٹ بولا جا رہا ہے، جن لوگوں نے عمران خان کو ووٹ دیا وہ اب انہیں بد دعائیں دے رہے ہیں، سب کو رلانے کی بات کرنے والے کا خود رونے کا وقت قریب آچکا ہے۔