سبی (آن لائن) بلوچستان کے ضلع کچھی کے علاقے بولان میں مشکاف ریلوے اسٹیشن کے قریب پہرو کنٹری کے مقام پر ریلوے ٹریک پر دھماکا، کوئٹہ سے پشاور جانے والی جعفر ایکسپریس کی 4 بوگیاں پٹڑی سے اتر گئیں، 6 افراد معمولی زخمی، ٹرینوں کی آمد و رفت معطل ہوگئی، ریلوے کی ٹیکنیکل ٹیم بھی جائے وقوع پر پہنچ گئی اور پٹڑی کی مرمت شروع کردی ہے۔ وزیراعلیٰ بلوچستان عبدالقدوس بزنجو نے مشکاف ریلوے اسٹیشن کے قریب ریلوے ٹریک پر دھماکے کی مذمت کی۔