کراچی:پاکستان کرکٹ ٹیم کے سابق آل راؤنڈر اور کپتان شاہد خان آفریدی نے فلاحی سرگرمیوں کے لیے افغانستان جانے کا اعلان کیا ہے۔
میڈیا رپورٹس کے مطابق شاہد آفریدی کا کہنا ہے کہ وہ افغانستان جانے کے لیے دستاویزات کے منتظر ہیں جس کے لیے پاکستان میں افغان سفارت خانے سے رابطے میں ہیں۔ سابق قومی کھلاڑی کا کہنا تھا کہ فلاحی مقاصد کے لیے دنیا بھر میں سرکردہ ’شاہد خان آفریدی فاؤنڈیشن‘ افغانستان میں بھی خدمات انجام دینا چاہتی ہے، اس حوالے سے افغان حکومت کی جانب سے رابطے پر فاؤنڈیشن نے مثبت جواب دیا ہے۔
شاہد آفریدی نے ٹوئٹ کرتے ہوئے شاہد خان آفریدی فاؤنڈیشن کے افغانستان میں امدادی کاموں پر خوشی کا اظہار کیا، انہوں نے کہا کہ مصیبت کے وقت کمزوروں کے کام آنا بے حد ضروری ہے۔