برطانیہ: طوفان یونائس ساحل سے ٹکرا گیا‘ بجلی اور ٹرین سروس منقطع

لندن (انٹرنیشنل ڈیسک) برطانیہ میں طوفان یونائس ساحلی علاقوں سے ٹکراگیا،جس کے باعث ڈیون، کارن وال میں 2 ہزار افراد بجلی سے محروم ہو گئے۔ خبررساں اداروں کے مطابق انگلینڈ، اسکاٹ لینڈ، ویلز میں سیلاب کی وارننگ جاری کر دی گئی ،جب کہ شمالی انگلینڈ میں برف باری کی بھی اطلاعات ہیں ۔ طوفان کے پیش نظر ویلز میں تمام ٹرینیں منسوخ کر دی گئیں۔ دوسری جانب نیدرلینڈز میں بھی طوفان کے پیش نظر جمعہ کے روز 170 پروازیں منسوخ کر دی گئیں۔ حکام کا کہنا ہے کہ تیز ہواؤں سے پروازیں متاثر ہوسکتی ہیں۔