کراچی(اسٹاف رپورٹر )کراچی ہاکی ایسوسی ایشن کے تحت سہ روزہ کوچنگ ورکشاپ کا آج سے آغاز ہوگا، ورکشاپ کے لئے 100 سے زیادہ مرد و خواتین جونیئر کوچز نے انٹری کرائی ہے، پاکستان ہاکی فیڈریشن کے کوآرڈینیٹر و کے ایچ اے کے سیکریٹری حیدر حسین کا کہنا ہے ورکشاپ پی ایچ ایف کے ویژن کا حصہ ہے۔ ورکشاپ کے لیے قومی ہیرو ایف آئی ایچ اکیڈمی کے بہترین کوچ میں شمار ہونے والے اولمپیئن و سابق کپتان طاہر زمان کا انتخاب کیا گیا ہے، کوچز کی تربیت کے وقت نکالنے پر کے ایچ اے طاہر زمان کی شکرگزار ہے۔