کراچی (اسٹاف رپورٹر) کراچی پورٹ ٹرسٹ اسپورٹس کمپلیکس میں کھیلے جانے والے پہلا جونیئر اسکواش چیمپیئن شپ میں بوائیز کیٹیگری میں اویس مسطور نے سنسنی خیز مقابلے میں حسن پراچہ کو 3-2 سے شکست دے کر ٹرافی جیتی جبکہ گرلز کیٹیگری میں آئینہ شیخ نے یک طرفہ میچ کے دوران سمیرہ شاہد کو 3-0 سے شکست دی اور ٹرافی اپنے نام کی۔تیسری پوزیشن کیلئے کھیلے جانے والے میچز میں روہان امجد نے عمار علی کو ہرایا اور عمارہ نے ماہین خان کو ہرایاچیرمین کے پی ٹی نے جیتنے اور رنر اپ کھلاڑیوں کو ٹرافی کے ساتھ کیش پرائزز دیے۔ اس موقع پر ا سکواشکے انٹرنیشنل رینکنگ ورلڈ نمبر 4 کھلاڑی مقصود احمد بھی موجود تھے۔