لزبن(جسارت نیوز)فرانسس ٹیافو اورا سیبسٹن بیز نے جیت کا سلسلہ برقرار رکھتے ہوئے ایسٹوریل اوپن ٹینس ٹورنامنٹ کے فائنل کے لئے کوالیفائی کر لیا، اے ٹی پی کے زیر اہتمام ایسٹوریل اوپن کے دلچسپ مقابلے پرتگال میں جاری ہیں، ٹورنامنٹ کے پہلے سیمی فائنل میں امریکا کے فرانسس ٹیافو نے ہم وطن حریف سیبسٹن کورڈا کو سخت مقابلے کے بعد 6۔4 ، 6۔7 اور 4۔6 سے شکست دے کر فائنل تک رسائی حاصل کر لی، ٹورنامنٹ کے دوسرے سیمی فائنل میں ارجنٹائن کے سیبسٹن بیز نے اسپین کے البرٹ راموس کے خلاف دلچسپ مقابلے کے بعد 3۔6 ، 7۔6 اور 0۔6 سے کامیابی حاصل کی اور فائنل کے لئے کوالیفائی کر لیا۔