ہوانا(انٹرنیشنل ڈیسک) کیوبا کے دارالحکومت ہوانا کے ہوٹل میں گیس لیک ہونے کے باعث دھماکے سے 22 افراد ہلاک ہو گئے۔ حکومت کا کہنا ہے کہ واقعہ کوئی دہشت گردانہ حملہ نہیں بلکہ ایک حادثہ تھا۔فائیو اسٹار ہوٹل ساراٹوگا میں ہونے والے دھماکے میں 74افراد زخمی بھی ہوئے، جن میں 14بچے شامل ہیں۔ حکام کا کہنا ہے کہ بہت سے افراد ملبے تلے دبے ہوئے ہیں اور انہیں نکالنے کے لیے کارروائی کی جارہی ہے۔ ادھر کیوبا کے صدر مگیل ڈیاز کانیل نے جائے حادثہ کا دورہ کرنے کے بعد واقعے پر گہرے افسوس کا اظہار کیا۔