محکمہ تعلیم سندھ کا کہنا ہے کہ تباہ کن سیلاب سے صوبے کے 40فیصد اسکول تباہ ہو گئے ہیں ۔
صوبائی محکمہ تعلیم کے مطابق سیلاب سے سندھ کے 5ہزار 619 اسکول مکمل تباہ ہوچکے، جبکہ 12ہزار اسکولوں کو شدید نقصان پہنچا ہے،اس کے علاوہ اڑھائی ہزار سے زائد اسکولوں میں قائم کیمپ میں 65ہزار سے زائد خاندان آباد ہیں۔
محکمہ تعلیم کی رپورٹ کے مطابق سندھ کے سرکاری اسکولوں کی انرولمنٹ 50فیصد کم ہونے کا خدشہ ہے،صوبائی وزیر تعلیم نے فوری طور پر خیمہ اسکول کا منصوبہ پیش کیا ہے، تمام متاثرہ علاقوں میں تیزی سے خیمہ اسکول قائم کیے جا رہے ہیں۔