اسلام آباد: مسلم لیگ ن ریکوڈک کے معاملے پر حکومتی اتحاد میں شامل ناراض جماعتوں کو منانے میں کامیاب ہو گئی۔
نجی ٹی وی کی رپورٹ کے مطابق ذرائع کا کہنا ہے کہ حکومت ریکوڈک منصوبے پر بلوچستان کا حصہ 25 فیصد سے بڑھا کر 35 فیصد کرے گی۔ اس مقصد کے لیے ترمیمی بل لایا جائے گا۔ بل پارلیمنٹ کےمشترکہ اجلاس میں لایا جائے گا۔
یاد رہے کہ 9 دسمبر کو سپریم کورٹ نے ریکوڈک معاہدے کو قانونی قرار دیا تھا۔ فیصلے میں میں قرار دیا گیا گیا ریکوڈک معاہدے سپریم کورٹ کے 2013ء کے فیصلے کے خلاف نہیں، ماہرین کی رائے لے کر ہی وفاقی و صوبائی حکومتوں نے معاہدہ کیا۔
سپریم کورٹ کے بینچ نے اپنی رائے میں تحریر کیا کہ ملکی آئین قومی اثاثوں کے قانون کے خلاف معاہدے کی اجازت نہیں دیتا۔ صوبائی حکومتیں معدنیات کے حوالے سے قوانین میں ترمیم اور تبدیلی کر سکتی ہیں۔