لاہور: وفاقی وزیر اطلاعات عطا اللہ تارڑ نے کہا ہے کہ ملک کے معاشی حالات بہتر ہو رہے ہیں۔ حکومت نجکاری پر خصوصی توجہ رکھے ہوئے ہے۔
تقریب سے خطاب کرتے ہوئے عطا اللہ تارڑ کا کہنا تھا کہ ملکی معیشت میں بہتری آتی جا رہی ہے جب کہ سعودی عرب کی جانب سے 5 ارب ڈالر کی سرمایہ کا اعلان ہونے کے بعد اسٹاک ایکسچینج میں ریکارڈ ساز تیزی دیکھنے میں آئی ہے۔
انہوں نے کہا کہ پاکستان سعودی عرب کے ساتھ دیرپا اقتصادی تعلقات کا خواہاں ہے۔ ہمیں قرض نہیں تجارت چاہیے۔ پاکستانی قیادت نے دورۂ سعودی عرب کے دوران امداد کے بجائے سرمایہ کاری کو ترجیح دی ہے۔
عطا اللہ تارڑ کا کہنا تھا کہ ملکی معیشت اور نظام کو مزید بہتر کرنے کے لیے ہرممکن کوشش جاری رکھیں گے۔ حکومت اس سلسلے میں نجکاری پر خصوصی توجہ دے رہی ہے۔