ماسکو (انٹرنیشنل ڈیسک) روس کے علاقے وولگوگراڈ کی جیل میں قیدیوں نے عملے کو یرغمال بنا کر 4 اہلکاروں کو قتل کردیا۔ خبررساں اداروں کے مطابق خود کو داعش کا جنگجو بتانے والے 4 قیدیوں نے جیل کا کنٹرول سنبھال کر عملے کو یرغمال بنا لیا جس کے بعد سیکورٹی فورسز نے جیل کا کنٹرول واپس لینے کے لیے آپریشن کیا۔ آپریشن میں کچھ یرغمالیوں کو چھڑالیا گیا اور چاروں حملہ آوروں کو ہلاک کردیا گیا۔ حکام نے بتایا کہ قیدیوں کے حملے میں جیل عملے کے 4 اہلکار ہلاک ہوگئے۔ واقعہ جیل میں ڈسلپنری کمیشن کی سماعت کے دوران پیش آیا جہاں قیدیوں نے جیل کے عملے اور سیکورٹی گارڈز پر چاقو سے حملہ کیا۔