کوہستان مالی اسکینڈل کے مرکزی ملزم قیصر اقبال نے 14 ارب روپے کی پلی بارگین کے لیے قومی احتساب بیورو (نیب) کو درخواست جمع کروا دی ہے۔
نیب ذرائع کے مطابق قیصر اقبال محکمہ سی اینڈ ڈبلیو میں ہیڈ کلرک تھا اور اس کے علاوہ اس کی اہلیہ کے نام پر بھی 10 ارب روپے مالیت کی گاڑیاں، بنگلے، پلازے، سونا اور دیگر اثاثے موجود ہیں۔
ذرائع نے مزید بتایا کہ 4 ارب روپے کے اثاثے بے نامی ڈمپر ڈرائیور کے نام پر خریدے گئے تھے۔ اس سے قبل نیب نے 40 ارب روپے کے کوہستان میگا کرپشن اسکینڈل میں 8 اہم ملزمان کو گرفتار کیا تھا جن میں 2 سرکاری افسر، 2 بینکرز اور 4 ٹھیکیدار شامل تھے۔
ملزم کی طرف سے کی گئی یہ درخواست اسکینڈل میں مقدمات کی جلد نمٹاری کے لیے ایک اہم قدم سمجھا جا رہا ہے۔