مقبوضہ جموں وکشمیر پولیس کے ایک اسسٹنٹ سب انسپکٹر کو ہفتے کے روز گرفتار کیا گیا ۔ اسے ایک ویڈیو میں کشتواڑ ضلع کے ایک تھانے مین رشوت کا مطالبہ اور قبول کرتے ہوئے دکھایا گیا تھا ۔ساوتھ ایشین وائر کے مطابق پولیس ترجمان نے بتایا کہ اے ایس آئی عبدالسبحان کو بھی معطل کردیا گیا ہے اور ان کے خلاف محکمہ انکوائری شروع کردی گئی ہے۔
یہ افسر جمعہ کو اسٹیشن کے احاطے میں ہی کچھ لوگوں سے رشوت مانگتے اور قبول کرتے ہوئے کیمرے پر پکڑا گیا۔
اس معاملے پر سنجیدگی سے توجہ دیتے ہوئے ترجمان نے بتایا کہ غلط کام کرنے والے افسر کے خلاف مقدمہ درج کرلیا گیا ہے اور اس کی تحقیقات جاری ہے۔
