لاہور: رہنما ن لیگ مریم نواز نے عدالت عظمیٰ کے فیصلے پر تنقید کرتے ہوئے کہا کہ ’فل کورٹ نا بنانے کی وجہ اپنے فیصلو کا تضاد سامنے آنے کا خوف ہے‘۔
مسلم لیگ نواز کی مرکزی نائب صدر مریم نواز کی جانب سے عدالت عظمیٰ پر تنقید کے نشتر وزیر اعلیٰ پنجاب کے متنازعہ انتخاب سے متعلق فیصلے کے بعد برسائے گئے ہیں۔
فل کورٹ نا بنانے کی ایک ہی وجہ ہے۔۔۔خوف ! اپنے ہی کیے ہوئے فیصلوں کا تضاد سامنے آنے کا خوف!
— Maryam Nawaz Sharif (@MaryamNSharif) July 25, 2022
مریم نواز نے اپنے ٹوئٹ میں کہا کہ فل کورٹ نا بنانے کی ایک ہی وجہ ہے۔۔۔ خوف ! انہیں خوف ہے کہ انہی کے کیے ہوئے فیصلوں کا تضاد سامنے نا آجائے۔ ان کا کہنا تھا کہ مجھے کم از کم یقین تھا فل کورٹ نہیں بنے گا اور انصاف نہیں ملے گا اور یہی میں قوم کو بتانا چاہتی تھی۔
مجھے کم از کم یقین تھا فل کورٹ نہیں بنے گا اور انصاف نہیں ملے گا اور یہی میں قوم کو بتانا چاہتی تھی! https://t.co/mtFvI9w5lc
— Maryam Nawaz Sharif (@MaryamNSharif) July 25, 2022
مرکزی نائب صدر ن لیگ نے کہا کہ جب فیصلے آئین،قانون اور انصاف کے مطابق نا ہوں تو فُل کورٹ سے خطرہ رہتا ہے، کیوں کہ ایماندار ججز کے شامل ہونے سے فیصلے کی خامیاں منظرِ عام پر آ جاتی ہیں اور لوگ جان جاتے ہیں کہ فیصلہ آئین و قانون نہیں، ذاتی پسند و ناپسند کی بنیاد پر کیا گیا ہے، مگر اب کچھ بھی کر لیں،لوگ تو جان گئے۔
انہوں نے مزید کہا کہ مائی لارڈ! ہمارے ۲۰ ووٹ بھی آپ نے ہم سے چھین لیے اور ق۔لیگ کے ۱۰ ووٹ بھی آپ نے پی ٹی آئی کو عطا کر دیے تو پرویز الہی صاحب کی اکثریت تو آپ کی دین ہے۔
ہمارے ۲۰ ووٹ بھی آپ نے ہم سے چھین لیےاور ق۔لیگ کے ۱۰ ووٹ بھی آپ نے PTI کو عطا کر دیے تو پرویز الہی صاحب کی majority تو آپ کی دین ہے می لارڈ !
— Maryam Nawaz Sharif (@MaryamNSharif) July 25, 2022
