ممبئی: برازیل کے شہرہ آفاق ادیب پاؤلو کوئیلو بھی بالی وڈ کنگ شاہ رخ خان کے مداح نکلے اور انہوں نے اداکار کی تعریف میں ٹویٹ کی ہے۔
کوئیلو نے شاہ رخ کی ایک وڈیو شیئر کی ہے جس میں بالی وڈ سپر اسٹار ممبئی میں اپنے گھر ’منت‘ کے باہر اپنے مداحوں سے ملاقات کررہے ہیں۔
King. Legend . Friend. But above all
GREAT ACTOR
( for those who don’t know him in the West, I strongly suggest “My name is Khan- and I am not a terrorist”) https://t.co/fka54F1ycc— Paulo Coelho (@paulocoelho) February 2, 2023
’الکیمسٹ‘ کے ناول نگار نے وڈیو کے ساتھ کیپشن لکھا ’بادشاہ، لیجنڈ، دوست لیکن ان سب سے بڑھ کر ایک شاندار اداکار۔
پاؤلو کوئیلو نے ساتھ ہی بریکٹ میں لکھا کہ جو لوگ مغرب میں ان کو نہیں جانتے ہیں میں ان کو فلم ’مائے نیم از خان اینڈ آئی ایم ناٹ آ ٹیررسٹ‘ تجویز کرتا ہوں۔
You are always too kind my friend. Let us meet up sooner than soon!! Bless you https://t.co/7jLTJ4I8ec
— Shah Rukh Khan (@iamsrk) February 3, 2023
شاہ رخ خان نے صبح اٹھ کر کوئیلو کی ٹویٹ پر ردعمل دیتے ہوئے لکھا کہ میرے دوست آپ ہمیشہ مہربان رہتے ہیں۔ ہمیں جلد از جلد ملاقات کرنی چاہئے۔
برازیلین ادیب اس سے قبل بھی شاہ رخ خان کی تعریف میں ٹویٹ کرچکے ہیں اور انہوں نے خواہش ظاہر کی تھی کہ وہ یورپ میں شاہ رخ کی مزید فلمیں دیکھنا چاہتے ہیں۔
