ممبئی: معروف انڈین شاعر جاوید اختر کو ہالی وڈ فلم ’اوپن ہائمر‘ کی تعریف مہنگی پڑ گئی اور سوشل میڈیا پر ان کی ٹرولنگ جاری ہے۔
جاوید اختر نے سینما جاکر کرسٹوفر نولن کی فلم کو دیکھا اور واپسی پر سماجی رابطوں کی ویب سائٹ ایکس (ٹویٹر) پر فلم کے متعلق اپنا تبصرہ شیئر کیا۔
انہوں نے لکھا کہ وہ جوہو میں سینما گھر جاکر ’اوپن ہائمر‘ دیکھ چکے ہیں اور یہ صرف ایک اچھی فلم نہیں بلکہ ایک عظیم فلم ہے۔
مداحوں کو جاوید اختر کا تبصرہ پسند نہیں آیا کیوں کہ انڈیا میں فلم کے ایک سین کو لے کر ہندو انتہاپسند تنظیموں طرف سے بائیکاٹ مہم بھی جاری ہے۔
ایک صارف نے شاعر سے آئسوٹوپس کی وضاحت مانگی تو انہوں نے اس کی تعریف بتادی اور ساتھ ہی لکھا کہ فلم کو سمجھنے کیلئے سائنسی اصطلاحات کو سمجھنے کی ضرورت نہیں ہے، یہ ایک انسان کی کہانی ہے جو سائنسدان ہے۔
واضح رہے کہ کرسٹوفر نولن کی فلم پوری دنیا میں بہترین بزنس کررہی ہے اور اسے بڑے پیمانے پر ڈسکس کیا جارہا ہے۔
