ممبئی: بالی ووڈ کے میگا اسٹار شاہ رخ خان نے اپنی فلم ’جوان‘ کی ریلیز سے قبل فینز کے ساتھ سوشل میڈیا پر سیشن میں دلچسپ جواب دئیے۔
سماجی رابطے کی ویب سائٹ ایکس ( سابق ٹوئٹر) پر ’آسک ایس آر کے‘ سیشن میں شاہ رخ خان سے فینز نے مختلف سوالات کیے۔ ایک مداح نے شاہ رخ خان سے پوچھا کہ ’ جوان 2‘ کب آئے گی جس پر ان کا دلچسپ جواب وائرل ہوگیا۔
Pehle yeh waali toh dekh lo….bachche ki jaan loge kya??!! #Jawan https://t.co/4E5vVXSnQ4
— Shah Rukh Khan (@iamsrk) September 3, 2023
کنگ خان نے سوال پوچھنے والے فین کو جواب دیا کہ پہلے یہ والی تو دیکھ لو۔ بچے کی جان لو گے کیا؟ اس جواب پر مداحوں نے شاہ رخ خان کی حس مزاح اور فوری جواب دینے کی صلاحیت کی تعریف کی۔
مزید پڑھیں: شاہ رخ خان کی فلم ’جوان‘ نے ایڈوانس بکنگ کا نیا ریکارڈ قائم کردیا
شاہ رخ خان کی فلم ’جوان‘ 7 ستمبر کو سینما گھروں میں ریلیز کی جائے گی۔ فلم کی دبئی میں پروموشن کے دوران ’جوان ‘ کا پوسٹر برج خلیفہ پر بھی دکھایا گیا جبکہ فلم کی ایڈوانس بکنگ نے نیا ریکارڈ قائم کیا ہے۔
